CCXXVII.

1352, Januar 19. Prag.

König Karl IV. befiehlt seinem Hauptmanne und den übrigen Beamten zu Frankenstein, das Kloster Kamenz zu schützen.

Karolus dei gracia Romanorum rex semper augustus et Boemie rex dilectis nobis capitaneo et ceteris officialibus Frankensteinensibus, qui pro tempore fuerint, fidelibus nostris dilectis graciam regiam et omne bonum. Committimus vobis et sub optentu nostre gracie iniungimus presentibus seriose, quatinus vos ab impedimentis et quibuslibet molestiis vel offensis religiosorum abbatis et conventus monasterii Camencz ordinis Cisterciensis devotorum nostrorum omnino cohibeatis, non permittentes, ipsos a vestris officialibus vel subditis in aliquo molestari, ymmo verius eosdem in suis iuribus, privilegiis et litteris, que tam super iudicio provinciali, libertatibus, supremis iuribus, quam super aliis monasterii sui prediis optinuisse noscuntur, grato favore manuteneatis et conservetis, sicut apud nostre celsitudinis graciam de obedientie studio diligitis commendari. Datum Prage XVIIII die mensis Januarii regnorum nostrorum anno sexto.

Or. Perg. An einem Pergamentstreifen das kleine S. (Adlersiegel) des Königs in rothem Wachs.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.